白鷺高飛增程掂

猪拉多纳

　　周三谷草夜賽，三T頭關有48倍冷馬「有膽識」殺入一席三甲，雖然次關由「按一按」、「好利佳」及「火燎腚」幾匹正路馬包辦三甲，惟尾關由11倍的「幸運勝利」取勝，最終三T正獎冇人中，有233萬多寶撥入下次夜賽。明日沙田賽事，有1,037萬多寶，預計派彩高達1,700萬，值得投X。

　　第四場五班1800米，「辣手先鋒」前仗於谷草1650米贏馬，末段造出全場最快的23.86秒，以個多馬位輕取亞軍「領航精神」，四歲馬今季進步極大。上仗轉爭谷草1800米，大半程走外叠望空，落敗屬意料中事。今番轉戰沙田，季初已證明過大場亦合發揮，只要交出前仗水準，力足取得季內第二捷。

　　第五場四班1400米，「白鷺高飛」前仗初出跑1200米，末段造出22.18秒超快時間，已證明後勁非比尋常；上仗牠再跑同程，竟然再進一步，造出22.16秒贏馬。無疑今次面對負重磅及增程等難度，但大超班馬毋懼考驗，照贏可也。

　　第六場四班1600米，「品學兼優」上仗贏馬熱至1.5倍，無疑值博率欠奉，但取勝過程確實易如拾芥，直路稍望空之後，韋達輕打兩鞭已如入無人之境，末段似被「超光越影」追近，實際上是騎者睇住對手來食。有過一次1600米經驗，今番再跑同程威力有增無減，負重磅應無礙發揮，連捷可期。向東