韋達搏德鷲搏

猪拉多纳

　　近五個賽日韋達四度封王，殺得性起，可惜因為求勝心切，剛戰騎隻「旗幟鮮明」出閘冇耐阻及他駒而被罰停賽兩日，罰則押後到3月24日賽後至執行，即係連同今晚仲有三次賽事畀佢爭取頭馬。所謂未雨綢繆，估計佢唔會等到最後關頭至搏命贏馬，何況今晚坐騎唔弱，唔搏等幾時？!

　　是次賽事韋達出馬6匹，除了尾場「自成一格」賠率比較熱，其他全部有錢分，較有根據有頭場「寶德」、第六場「精彩生輝」及「帝聖神駒」。而第五場「獅鷲」初次出賽，已經有唔少支持票。

　　先講「自成一格」，實力及進度究竟有幾好，近績已經睇得好清楚，升至三班角逐，以目前氣勢，或可衝破阻力。何況，此駒今季幾乎逢出必拼，鬥志十分可信。

　　而「寶德」和「獅鷲」，貪好分係其中一個理由，另外，前駒能於田草贏馬，轉來谷草理應贏了級數；後駒是來自大摩馬房的初出馬，準備充足才出賽，有心一出即搏。Jack