不宜大注買熱Q

猪拉多纳

　　買馬方式人人不同，有人鍾意臨場度馬，睇大戶落飛，睇馬匹狀態；有人鍾意未開飛先研究，免得受賠率影響。無論是哪種人，都會面對以下狀況：三匹心水馬、竟然都係熱門？中咗都冇肉食。你不斷會想：「究竟買定唔買？唔買睇住佢跑出嚟真係好冇癮。買，唔贏嗰時咪大鑊？」結果徹夜難眠，諗投X策略的時間，隨時比度馬還要長。

　　寧過關勿重鎚

　　某些人度了條熱Q，會選擇加注，平時買開100蚊注，因為預計派彩會熱，又覺得中硬，故此今次玩大啲，買番200蚊，甚至300蚊或更多。贏了，當然覺得自己明智，但輸了又點？正如前晚第七場「開心至愛」（圖）搭「帝聖神駒」，多數人覺得這條大熱Q穩，結果又係開唔出。由此可見，買大啲，隨時係「清袋之旅」的開始，倒不如將條熱Q串過關，博一博好過。洋超