蔡韋配大舉出擊

猪拉多纳

　　近期賽事，蔡約翰和韋達減少咗合作，通常每期三兩隻，早前谷草夜賽索性冇合作，二人睇住合作次數上限規條做人。不過，今期情況一百八十度轉變，蔡廐全日出馬11匹，其中7匹由韋達策騎，數量差不多係3月份合作嘅總和！突然有此改變，唔係大舉出兵，唔通係虛張聲勢？！

　　較後場次如「紅衣巨龍」、「品學兼優」、「勁勢」，賠率唔使旨意好分，可能全數兩倍以下，買定唔買？閣下自主。相比之下，兩匹初出新馬或者賠率稍為降溫，論贏面唔係冇。

　　第一場「勇敢福星」及第二場「如你所願」，初出已經打王牌，以今日此廐陣容而言，重視性可想而知。而呢對馬有個共通點，都係來自專門搶攻綵衣，前駒之前同主「勇敢小子」，首6仗未輸過，後駒對上一匹同主馬「無懼風雨」，同樣係一出即勝。呢兩駒馬主作風鮮明到不得了，蔡神仙點會唔撚好，大有初出即拼格局。Jack