祖記歐聯大過天佩斯卡拉有雞偷

猪拉多纳

歐洲主流賽季進入最後衝刺期，撞正歐聯同歐霸盃踏入關鍵時刻，各地歐戰代表搏到甩轆，今周聯賽夾正喺兩回合賽事中間，列強分分鐘會留力，大家要特別留意出場陣容，睇吓佢哋班幕後人點樣取捨。今次重心揀場意甲，祖雲達斯喺歐聯身處危機，今輪主場對佩斯卡拉讓得多信唔過！

（周日凌晨零時開賽）

祖雲達斯剛於歐聯硬撼拜仁，賽前肥叔批死呢場波唔會多波入，結果拜仁淨勝兩粒收工，祖記踢落冇乜反抗能力。祖雲達斯返到聯賽做番一哥，今次對包尾大幡佩斯卡拉，全世界都睇好佢哋贏硬，但讓到兩球半就太誇張喇，呢班波喺意甲甩開次席拿玻里9分，爭標形勢大好，嚟緊仲要喺歐聯次回合絕地反擊，估計今戰隨時揸流攤，一於扒冷博下盤！
多蒙特讓得辣唔抵玩

同日德甲歐聯代表多蒙特主場對下游分子奧格斯堡，多蒙特畀一哥拜仁拋離廿分，已經無望爭冠，可以疊埋心水喺歐聯搏殺，今戰勝負唔多重要，但現時讓到球半、兩球真係讓多咗，又係高危分子。奧格斯堡全力護級，近仗客場演出仲叻過主場，而且戰意鮮明，去到季尾階段呢類球隊夠晒正氣，呢場可博下盤。

（有線64台周六晚9時30分直播）
肥叔心水

雷丁 下盤

奧格斯堡 下盤、大

法蘭克福 下盤、大

諾域治 平手盤

史篤城 大

西布朗 大

利雲特 下盤

佩斯卡拉 下盤