熱刺冇巴利 讓波咪亂「愛」

猪拉多纳

英超進入最後直路，咪以為曼聯同曼城9成會做「一哥」同「老二」，個聯賽就冇晒睇頭，事關仲有兩張歐聯入場券未知花落誰家，由第3位嘅熱刺去到第7位嘅利物浦都仲要搏命打生打死，勁激！今晚有場6分波重頭戲，熱刺喺主場迎戰愛華頓，大家記得（目及）實個電視喇！

小妹周中捱眼瞓睇歐聯同歐霸盃賽事，雖然搞到對熊貓眼出晒嚟，不過能夠親眼見證費托重拾當年風采入兩粒，個樣殘啲都抵嘅！「王子」靠歐霸翻生，可惜另一位英超紅人加里夫巴利就畀歐霸玩殘！呢位英足先生大熱門喺上周中鬥巴素利嗰陣嚴重拗柴，起碼要抖14日，須知道巴利今季入咗17個聯賽士哥，唔單止係熱刺嘅首席射手，仲要係隊波嘅助攻王，熱刺冇咗呢位翼鋒，基本上同一支護級球隊冇分別！
迪科爾傷埋難鬥愛華頓

咁都未算大鑊，賽前仲有消息傳出，話熱刺件次席射手迪科爾練波嗰陣整親，雖然冇透露傷勢係點，但英國嗰邊啲傳媒就話佢今晚肯定缺陣，熱刺兩大核心打晒柴，齋靠「神經刀」艾迪巴約同「後備王」丹普西數胡，點靠得住呀？

係，雖然對家愛華頓都有費蘭尼同派拿停賽，不過「拖肥糖」勝在士哥拿分布勁平均，前鋒謝拉域、米拿拉斯同安尼捷比，以至守將巴尼斯都有5球進帳，冇話好似熱刺咁齋靠巴利同迪科爾做救世主，咁梗係可信好多啦！咪忘記愛華頓首循環贏過熱刺2:1，近5次對賽，「拖肥糖」亦只係輸過1次，擺明食住對手，今鋪仲有得受讓，1.68倍「讓客」有買趁早喇！
Sherry

曾經有個甲組球員男朋友，回復單身後寄情掟飛鏢運動，偶爾擔任兼職模特兒。近日已重墮愛河，恭喜晒！
澳門爽浸大浴缸

上星期小妹請爹哋媽咪去澳門玩，係就係使咗唔少錢，不過見到兩老笑到見牙唔見眼，多多錢都買唔到啦！大家見到啲相，係咪覺得好誇張呢？係呀，呢間就係我哋3個人住嗰間房喇，豪得嚟仲有個超大浴缸添，爽到爆！
Sherry推介：愛華頓（讓球客勝）