甘美奧富明尼斯又演入球騷

猪拉多纳

南美自由盃分組賽，H組上演巴甲球隊內訌，由甘美奧主場對富明尼斯。現時此組形勢極度緊湊，四支球隊只係差一分，預期兩支巴甲球會必拚盡所有求勝，以爭取出線有利位置。大家都知巴甲球隊踢法偏向進取，無論聯賽定係南美賽事都唔會有太大改變，況且雙方近幾次交手都產生唔少入球，其中一場仲開出9個入球咁多添，相信今場再度「大手交易」嘅機會極高，大盤優先考慮。

（周四早上9時開賽）
哥連泰斯數爆聖體會

同時間舉行尚有E組賽事，巴甲哥連泰斯主場對玻利維亞球隊聖荷西體育會，雖然哥連泰斯已經取得晉級資格，但為爭首名出線，今場都唔會放鬆。玻利維亞球隊一向係地頭蟲，聖荷西體育會離開高原主場即刻腳軟，哥連泰斯實力超群有力大勝，大細中位數3.5球照捧大盤。