勁啲啲形勢大好

猪拉多纳

　　列陣周日頭場四班1000米的「勁啲啲」，近六戰獲冠亞各一，其餘四仗雖名落孫山，卻仍取得獎金，可見狀態持續穩定。此駒今仗復跑勝途，排得三檔有利位置，形勢乃近期最好一次，預計這匹現評54分之馬三甲應有着落，甚至有權收復前失。

　　回顧上賽，「勁啲啲」後追不及得梗頸四，文廐「駟馬難追」則前置均速入Q，今仗兩者狹路相逢，由於後駒有佳績支持，兼且強配柏寶，故預計應會較受器重。但筆者認為上仗「勁啲啲」的走勢不俗，比對手更有睇頭！細看上仗頭馬「心甜意合」，剛於周三晚增程跑1200也順利再捷，反映賽事水準不弱，緊隨其後的馬匹大有留意價值。該役「心甜意合」尾兩段造44秒35，時間屬全場最快，其次便數到「勁啲啲」，尾兩段締速為44秒44，僅較前駒慢0.09秒。

　　須知該役「心甜意合」排黃金一檔，沿途盡慳腳程，期間亦有遮擋，際遇堪稱一絕；反之「勁啲啲」卻排八檔，蝕位較多之餘，陣中更遇輕微擠阻。最終「勁啲啲」僅以個半身位見負，演出不比「心甜意合」遜色，相對「駟馬難追」更覺可觀。黃奔