伯明翰攻力全開捉狐狸

猪拉多纳

好多朋友賭波會睇盤做人，但今日場英冠李斯特城主場對伯明翰如果睇盤買波，可能會墮入莊家陷阱，李斯特城近十三場只贏得一場，個W只係得1.53倍，熱到一定贏咁款，咪畀個盤呃咗你，呢場要同莊家鬥智咪落疊，要番「讓球客勝」。

李斯特城季尾大跌Watt，領隊皮雅臣已聞到魷魚香，可能大家會話「狐狸」依家排第七，要爭升班附加賽資格。喂！如果要爭，佢哋季中排緊第二，一早要生性啦，仲等依家先爭咩，伯明翰近八戰場場有波入，受讓值捧。（周六凌晨2時45分開賽）