華倫整體戰出色愛得過

猪拉多纳

西甲愛斯賓奴主場對華倫西亞，季初階段愛斯賓奴演出都算曳，曾一度跌至榜尾。但球員於2013年大打爭氣波，現時已經走到上中游位置，以現時形勢愛斯賓奴已經唔愁降班威脅，故此輪戰意未必及得上要爭歐聯入場券嘅華倫西亞。其實度士都有留意華倫西亞嘅演出，佢哋整季都有穩定發揮，相信華倫西亞有力喺客場攞走三分，客隊讓平半照捧上盤。

（now 632周日凌晨２時直播）
愛斯賓奴收夠籌

華倫西亞陣中冇超級球星，較為出名都只不過係前皇馬射手蘇爾達杜。縱然星味欠奉，但華倫憑住整體合作一樣打出好成績，呢點令度士對「蝙蝠兵團」更為欣賞。睇番積分榜形勢，華倫西亞仍要努力搶分趕上頭四位，故未來日子一定唔可以放鬆，就算作客都要打進取足球爭取贏波。留意到愛斯賓奴已經保持多場主場不敗，但既然球隊已完成護級任務，靚績未必可伸延落去。況且雙方近幾次對賽愛斯賓奴都係輸多贏少，今場睇好客隊都好正路。

基於華倫西亞心態上會偏於進取，今場話唔定會產生大量入球，建議球迷不妨吼埋入球大。