紅軍冇火放生雷丁

猪拉多纳

哨牙蘇跌Watt Hea踢風流波

英超嚟到最後6輪賽事，對於依家包艇嘅雷丁嚟講，剩低嗰6場波場場都係生死戰，今晚佢哋喺主場迎戰冇晒火嘅利物浦，係時候搶分交代喇！小弟信得過佢哋嘅戰意，撐2.85倍「讓球主勝」，撐雷丁！

（有線201及301周六晚10:00直播）

雷丁喺英超已經連輸7場，連昆士柏流浪都過埋佢哋頭，雖然形勢岌岌可危，不過雷丁上下一直都無放棄過，先係搵番艾堅斯接掌帥印，中場古費利更透露新帥積極調整球隊踢法，仲話球員已經開始適應；射手笠臣簡奴亦力撐艾帥，話班手足會喺最後呢6場波當正係踢歐聯決賽咁，淨係呢團火，都畀到班球迷希望啦！
雷丁齊心搏老命護級

賽前艾堅斯更發出最後通牒，話明一旦降班嘅話，嚟緊球會一定要「瘦身」，班球員隨時飯碗不保，前鋒路爾亨特、中場阿歷士皮雅斯同西蒙卓治嘅合約都喺季尾完結，雷丁到依家都未同佢哋傾掂續約，似乎係要等護級戰有結果後先「做嘢」，班球員在公在私，都冇理由唔搏命啦！
利物浦近3戰僅1勝

對家利物浦成個下半季都好似係為下季鋪路咁，佢哋入歐洲賽機會唔高，而上個禮拜主場悶和韋斯咸0:0嗰場波，就更加畀人覺得班球員唔夠拚勁，冇乜火。事實上，紅軍最近3場聯賽只係得1勝1和1負劣績，就連前鋒蘇亞雷斯狀態都大幅下滑，今場作客對住如狼似虎嘅雷丁，隨時再食多記悶棍，失分絕對唔出奇。
紅軍近戰旺開大

‧雷丁已經連續8場輸波。

‧利記近12場本土作客賽事都有波入。

‧利物浦近7戰有6仗開出入球大，其中5場至少出現4個入球。
利記有前冇後「大」劑

利物浦今季嘅防線強差人意，搞到作客成日走樣，好彩，紅軍嘅攻擊力有番咁上下，就算失分都要隊番對手一兩粒，睇番呢班波近7戰有5場至少出現4個入球，大家都知咩事啦！1.48倍入球大做過關膽就最啱！
頂占筍盤：雷丁（讓球主勝）