巴勒莫主場明恰博洛

猪拉多纳

意甲巴勒莫主場鬥博洛尼亞，計往績根本一面倒，巴勒莫主場已經連贏博洛尼亞5次，近4次仲贏最少兩球或以上，再追溯番歷史，原來博洛尼亞上次作客贏巴勒莫已經係1934至35球季，差唔多80年前，可知佢哋幾咁怕西西里島威力，如今巴勒莫急切搶分兼回勇，今場可以延續勝績，Ali推介1.82倍主Ｗ。

（周日晚6時30分開賽）
生死關頭戰意秤先

除咗往績醒，巴勒莫近況一樣醒，佢哋由前帥辛連奴重執教鞭，終於搵番狀態，近期搶得兩連勝，上場作客3比1贏森多利亞，表現極具信服力，斯洛文尼亞攻擊手伊利錫演出譽滿場邊，呢場仲係佢哋今季首場作客贏波，球員士氣大振，似乎真係乜都返晒嚟。

不過巴勒莫現階段只係由降班大熱變成初露曙光，目前仲排喺尾三位置，同尾二嘅熱拿亞、尾四嘅錫耶納同得27分，護級仲要鬥直路，作客一向唔係佢哋強項，想搶分點都係靠主場，佢哋今仗冇人停賽亦冇新傷兵，可以原陣搏殺。

意甲向來玩默契波，博洛尼亞目前位列中游，已經冇嘢好爭，近三場波都贏唔到，上仗主場面對弱旅拖連奴，領先去到補時都畀人追番，鬥心明顯不足，球員踏入四月已經開始有放假心態，佢哋同巴勒莫一向無仇無怨，作客去西西里島亦已經輸到慣，今晚都唔會有好大決心做攔路虎，好大可能再做順水人情。

Ali 推介：

巴勒莫勝 ★★★★

帕爾馬大 ★★★

AC米蘭勝 ★★★