華歷簡奴皇蘇大駁火

猪拉多纳

星期日比賽，大家要早啲做準備，唔好等食完晚飯至出手，皆因今晚早場已經有好嘢。西甲華歷簡奴主場對皇家蘇斯達，兩支令人驚喜嘅瘋狂球隊對攻，入球大有1.7倍已經比Louis預期更好分，無論單頭或過關都值得捧場。

（周日晚6時開賽）

積弱多時嘅華歷簡奴目前排聯賽榜第9位，只落後第6位嘅貝迪斯4分兼踢少一場，仍有厚望爭取下屆歐霸盃參賽資格，相信開季前冇人會估到。佢哋嘅成功源於肯攻，尤其喺主場，近7場主場有6場開大盤，本土箭頭比迪更加弗到爆，雖然相比起美斯、C朗同法卡奧仲有好遠距離，但同其他西甲前鋒比已經係一線球星。華歷簡奴仲有巴西鋒將巴迪斯達奧幫佢一臂之力，為爭歐霸盃入場券主場必然搶攻，威力唔嘢小。
皇蘇攻力勁過馬體會

客軍皇家蘇斯達更巴閉，目前位列西甲第4，下季分分鐘可以踢歐聯。講攻力佢哋甚至喺馬體會之上，只有巴塞同皇馬叻過佢哋，前線除咗卡路士韋拿、皮亞圖同基沙文3大食胡人物外，其餘可以入波嘅球員仲多不勝數。呢隊西甲新勢力已經喺西甲保持12輪不敗，近20輪聯賽亦只輸一場，係作客皇馬僅敗3:4，賽績犀利。球隊已經連續14輪有波入，今晚實同華歷簡奴對攻，兩軍近6次碰頭，有5次總入球達到4球或以上，以目前形勢睇，今場入波又點會少？

Louis推介：

華歷簡奴大 ★★★★★

史特加大 ★★★

馬體會讓球勝 ★★★