燕豪芬阿積士演入球騷

猪拉多纳

今輪荷甲壓軸好戲上演榜首大戰，燕豪芬主場鬥阿積士。燕豪芬目前落後阿積士三分，今場係拉近彼此距離好機會，阿積士五連勝狀態着晒火，當然亦唔會留手，雙方季內兩次交手合共炮製十個入球，中位數維持2.5球首選大盤。

（now 639周日晚10時30分直播）
榜首戰冇保留

燕豪芬鬥阿積士呢個戲碼本身已好夠睇頭，更何況今場係關乎錦標誰屬嘅榜首大戰？而且目前除咗呢兩隊外，維迪斯及飛燕諾都對冠軍虎視眈眈，如果今場和波各失兩分，後兩者便可坐收漁人之利，故此燕、阿都肯定唔會滿足於和波。兩軍今季曾經兩度交手，燕豪芬於季初超級盃勝四比二，首循環阿積士贏番三比一。論近況，燕豪芬近期失分大多數係作客賽事，單計主場已連贏五場，拍得住五連勝嘅阿積士，要估邊隊贏波有難度，捧入球大仲划算。