紐卡素 新特蘭做大騷

猪拉多纳

今晚英超早場由紐卡素主場對新特蘭，兩隊都要為護級搏命搶3分，肯定唔會打守勢波。最重要係「喜鵲」有個星級射手柏比斯施斯孭飛，對住「黑貓」條豆腐防線隨時開大餐，1.92倍入球大值博！

雖然「喜鵲」啱啱喺歐霸盃出局，但嚟緊可以專注聯賽，對佢哋嚟講其實係件好事。再者，睇番目前聯賽形勢，排13位嘅佢哋，都只係高過護級安全線5分，未算完全甩難，想無後顧之憂，今晚對尾4嘅「黑貓」當然都會以贏波做目標，肯定會一開波就搶攻。
搶分護級唔打守勢波

對於「喜鵲」鋒力，相信各位球迷毋須任何懷疑，當中射手柏比斯施斯可算最值得信賴，上輪英超佢哋就喺主場憑「CCC」完場前一箭定江山搞掂富咸，取得重要3分。翻查紀錄，「CCC」近3場都有入波，如果齋計主場更連續5場有士哥添，腳風大順嘅佢，有速度兼爆發力驚人，今晚對住後防一向速度偏慢嘅新特蘭防線，肯定搵到唔少甜頭。唯一要擔心，係佢哋防線都唔算穩陣，近5場失10球，場均都失2球，攻強守弱最啱開「大」。

至於「黑貓」由1月底起就連續9場不勝，管理層仲炒咗領隊奧尼爾，搵嚟迪肯尼奧接手。雖則班波上仗作客車仔表現唔差，但防線依然多甩漏搞到輸1:2。始終迪肯尼奧唔係防守專家，想佢執靚條豆腐防線，真係談何容易！「黑貓」近7場作客波每場至少失2球，後防唔掂仲要焗住攻搶分護級，今場兩班波鬥攻，買大穩陣！

推介：紐卡素（入球大）
今日澳職主持又有我份！

繼上星期做完A-League節目後，我已經愛上咗睇澳職喇！今日晏晝2點50分至5點我又會喺有線球彩台同大家一齊觀賞中岸水手對墨爾本勝利呢場賽事！Yeah！