射手麥比連復出 中岸「勝利」在望

猪拉多纳

澳職季後賽進入4強階段，首場準決賽已於兩日前完成，常規賽冠軍西悉尼流浪者順利擊敗布里斯班獅吼，率先取得決賽入場券。睇番對上6季澳職總決賽，有5次係由常規賽嘅一、二名對撼，且看今季「二哥」中岸水手，能否喺今午嘅4強戰淘汰墨爾本勝利，令夢幻決賽再一次成事。

中岸水手係唯一要參戰亞冠盃嘅澳職球隊，但相比起客軍墨爾本勝利，近4個星期都只係打多1場波，應該無阻佢哋兼顧季後賽，況且上周中作客貴州嘅亞冠盃分組賽，中岸水手有多達7名主力冇隨隊，包括今季澳職神射手麥比連，可見對呢場波極之重視。

墨爾本勝利雖然排名第3，但距離「二哥」中岸水手足足10分，雙方實力明顯有距離，事實上喺今年2月嘅一場常規賽，勝利作客就曾以2:6大敗喺中岸水手腳下，今仗受讓半一都信唔過。（有線64周日下午3:00直播）