明尼路唔放生聖保羅

猪拉多纳

「四眼哥」今日繼續頂更！（三）26 場南美自由盃，係C組最後一輪分組賽，亦係巴甲傳統勁旅內訌，由聖保羅主場迎戰明尼路。由於明尼路已篤定首名出線，坊間一般都會用陰謀論去睇呢場波，認為大家都係巴西自己友，明尼路今場應該會「讓路」，送聖保羅一程……。但「四眼哥」又覺得未必，雖然南美波乜嘢事都可以發生，但話晒兩隊喺南美球壇都有頭有面，如果喺咁環境下「做嘢」，相信會有大把手尾跟！加上之前明尼路主場對同組嘅沙蘭迪兵工廠，完場後搞出大頭佛，若果今場有咩唔對路，肯定畀人借題發揮，為免揦屎上身，「四眼哥」信明尼路唔會輸波，撐1.75倍「讓球客勝」。