撐尼姆不敗博「讓客」

猪拉多纳

足智彩開盤睇低朗斯

《蠱蠱惑惑》喺對上嘅星期六、日推介全中，唔知幫唔幫到大家手呢？「四眼哥」當然希望可以Keep住交到貨啦！不過老土啲都要講多句，大家真金白銀投X之前，點都要自己做吓功課，切忌冒目跟推介去買，唔好咁老襯呀！
朗斯齋贏對賽信唔過

今日足智彩開咗76場波，但能夠根據同一法則去賠率比較嘅，只係得一場法乙朗斯對尼姆。雖然兩隊排名唔曳，賽前主隊排第10、客軍排第6，但係近況就Very得人驚，睇見都唔開胃！不過歐洲莊家依然傾向睇好主隊，純因朗斯喺對賽往績上有壓倒性優勢，3戰不論主場定作客都贏晒。

兩隊近況唔掂，信對賽往績係無可厚非，不過足智彩嘅操盤高手，似乎有另外一啲考慮！足智彩開出嘅主勝賠率唔止高過歐洲平均賠率，比Ladbrokes 同Paddy Power呢啲大莊更加好分，同時就調低和波同客勝，動態似係防尼姆作客不敗。呢場冇開讓球，惟有玩受讓嘅1.5倍「讓球客勝」。