羅馬食住個勢o趙佩斯

猪拉多纳

今晚9點打後有兩場好嘢推介畀大家，啱啱殺入意盃決賽嘅羅馬家陣勢如破竹，喺（日）28主場對住包尾嘅佩斯卡拉就算讓到「-2」，2.25倍「讓主」依然係信心之選！
意大利盃決賽傳北京舉行

其實睇好羅馬唔係話跟紅頂白，畢竟呢班波近9場贏足6場，意大利盃又入咗決賽，5月26號同拉素爭霸，尋日《Radio Radio》仲傳出可能決戰搬去北京打添，梗係要造吓勢啦。況且看守教練安迪亞索利仲要為飯碗而戰，如果能夠騎住拉素以前五衝線，下季「轉長工」肯定冇問題。對家佩斯卡拉連輸8場意甲，前鋒施古利今晚停賽，翼衞沙利、中場祖安昆特路同中堅保捷迪又傷埋，去到羅馬地頭想唔輸鑊杰撻撻都難！

遲羅馬半粒鐘開波場德甲，係（日）32德盃4強翻版戰，主隊史特加殺入德盃決賽，攞到來屆歐霸盃入場券，今季已經冇嘢好爭，反而弗賴堡仲有機會做「4哥」，加上要報番德盃一敗之仇，今仗作客都肯定唔係人咁品，平手盤抵撐啦！