格雷贏往績足智彩撐場

猪拉多纳

大家好，「四眼哥」今日同大家傾一場德甲，紐倫堡主場迎戰格雷特霍夫。紐倫堡喺積分榜排第11位，格雷特霍夫就包尾，由於排名相差甚遠，加上普遍球評家睇死格雷特霍夫就算華佗在世都降硬班救唔番，所以歐莊們都傾向睇好紐倫堡，今仗可以喺主場Easy啅對手攞晒3分。
重手調低和同客W

最緊要係紐倫堡近績好到不得了，自從2月頭主場2:1擊敗慕遜加柏起，就一直唔識輸，直到上星期場作客先吞拜仁慕尼黑「四蛋」斷纜，呢段4勝5和嘅走勢，又真係好難唔令歐莊今場睇好佢哋，可以輕取兩個幾月未贏過波嘅客軍啦！

不過，睇足智彩嘅主客和賠率，似乎班操盤高手呢場信對賽往績多啲喎！原來兩隊近季喺德乙同德甲交鋒，戰績都係格雷特霍夫佔優，足智彩嘅主W雖然同歐洲平均值齊平，但就重手調低和同客勝，有啲「信心」咁喎！受讓嘅「讓球客勝」有2倍幾，博得過。
主W高開水手有計

早場澳職方面，究竟新貴西悉尼流浪者可唔可以包辦常規賽同季後賽冠軍，成為雙冠王，睇埋今日對中岸水手場總決賽就知。可能係流浪者個績實在太靚，由今年1月6號常規賽主場輸過畀中岸水手0:2後，就三個幾月未輸過波，兼且錄得12勝1和嘅超癲戰績，淨係呢樣已經好難唔令歐莊睇好佢哋啦！但係足智彩反而高開主W，比Ladbrokes等大莊「好水」，重手調低和、客W，應該有啲嘢喎！呢場水手讓球盤開平手高水係一個唔錯嘅選擇，唔嫌熱就要受讓嘅「讓球客勝」啦！