皇馬「火起」無大不歡

猪拉多纳

歐聯繼續上演四強戰，尋晚大家睇完拜仁對巴塞，究竟想決賽睇雙西定雙德大戰？不如睇埋今晚多蒙特對皇家馬德里先至再諗啦！

兩隊喺分組賽交過手，兩個循環多蒙特都冇輸畀皇馬！首循環喺主場贏，作客就和波。所以皇馬今晚唔可以咁老定。近況方面，多蒙特已經連續7場賽事保持不敗，就算之前八強兩次對馬拉加都無影響佢哋喺聯賽發揮，可謂遇神殺神，遇佛殺佛。隊中個個當弗，羅拔利雲度夫斯基攞德甲神射手十拿九穩，加上馬里奧葛斯、馬高列奧斯呢個鐵三角組合確係無堅不摧﹗另外，隊中中堅分子曉姆斯之前喺訪問都表示，知道對付皇馬控球率係最重要嘅因素。啱啱星期六多蒙特雖然只係小勝緬恩斯，但其實教練高普只係試陣，見蜜蜂仔盡量控球在腳，可能就想用呢招抵擋皇馬。
再鬥多蒙特肯定激

客隊皇馬近五場賽事都以三球或以上交收，入球大比較有優勢。加上有莫連奴領軍，就算離開皇馬之前，都想為自己留下輝煌帶隊成績！不過，高普帶領嘅多蒙特，分組賽已證明過佢哋實力，所以主客和方面的而且確有啲難買。咁就不如試吓入球大細，分組賽兩軍開戰都係冇保留大得燦爛，除咗揀入球大外，揀多個半場大，博大家一落場就搏命﹗

推介：半場大、入球大