沙士菲作客拆「紐」

猪拉多纳

南美自由盃同歐聯雖然有唔少相同之處，不過歐聯喺8強起先會出現同國球隊互撼，但自由盃就冇咁多限制，早喺分組賽就出現同室操戈，而且16強亦毋須抽籤，對碰組合係由分組賽成績釐訂，16支出線球隊當中，成績最好嘅會喺淘汰賽遇上最差嗰隊，鼓勵啲球隊喺篤定出線後繼續拚搏。
舊生讓平半太筍

聽朝自由盃16強首回合正式爆發，隨即上演一場阿根廷內訌，由紐維爾舊生主場迎戰沙士菲，睇番雙方本土聯賽戰績，毫無疑問係喺阿甲排前列嘅紐維爾佔優，佢哋又剛啱喺聯賽作客擊敗沙士菲3:1，追捧理據相當充分，但都只係小讓平半，會唔會太筍呀？

事實上，沙士菲今季已經全面放棄阿甲戰線，上場聯賽亦收起唔少正選，所以剛戰交手輸波並冇乜大不了，再者佢哋喺今屆自由盃戰績相對穩定，6場分組賽先至輸過1場，今仗首回合有望保住不敗。

（開賽時間：周四早上8:15）

足球重心：沙士菲（下盤）、泰拉克托（平手）

馬膽推介：5場G大將軍

近兩仗落第睇落好似評分已盡，但實情係接連遇上超快步速，唔輸先至出奇，今仗排好檔兼冇快馬列陣，可望佔得先機。