哥登堡硬淨敲「半場和」

猪拉多纳

瑞典超周五提早舉行獨腳戲，兩支奪標熱門哥登堡同馬模惡鬥，兩軍係國內贏得最多聯賽冠軍嘅球隊，季前各自加強陣容，馬模採用巴塞控球在腳踢法，成最強之矛，哥登堡則防守出色，擁最強之盾，最強矛盾之戰難分勝負，不如揀「半場和」45分鐘有錢收。

（周五凌晨零時30分開賽）
馬模打「控球在腳」唔冒進

兩軍歷年來都鬥得燦爛，今季亦唔例外，哥登堡今季刻意改善上季後防實力不足問題，購入新球員及提升青年軍，開季五場只失一球證明政策成功，而馬模正嘗試踢出悅目進攻足球，正如佢哋以2比0擊敗奧斯達一役，全場大部分時間控球在腳，而且創造大量入球機會。

哥登堡擁有最好嘅防守，馬模則有較出色的進攻，惡戰難料，相信半場大家會以穩為先，揀「半場和」早啲收錢。