賓菲加征土國捱細界

猪拉多纳

點解巴塞會慢慢變成一人球隊？8強時已經要換入美斯做救世主助攻逼和晉級，對拜仁時美斯紮住上，靠阿歷斯山齊士連龍門都射唔中，四球敗走安聯都無話可說。波後炮咁講，其實巴塞同曼城都係一樣，好球員多到唔恨，但就欠一個好領隊，正正常常靠班球員自由發揮都贏到波，但一打逆境波就無料到。

歐聯「雙西」決賽凍過水，呢邊廂歐霸原本都諗住有「雙英」決賽，但就畀賓菲加破壞其好事。賓菲加今季表現平穩，降格踢歐霸盃後取得5勝1和佳績，暫時係今屆唯一一隊喺歐霸未輸過嘅球隊。小妹預期賓菲加今晚先作客會踢得比較保守，加上賓菲加近7次踢歐霸作客賽事，5次開出入球細。
費倫巴治攻力曳

費倫巴治踏入2013年後出戰歐霸未輸過，但5場比賽只入4球，雖然佢哋有古積特又有魯爾梅利斯，但年紀都唔細，今仗對住高半班嘅賓菲加，想入波都唔易。首回合小妹選擇以兩隊近績作為依據，一於支持入球細。