博燕豪芬好「和」味

猪拉多纳

今晚啲波真係段段都咁好睇，11點鐘羅連安特對馬賽場法甲（六）52都幾勢均力敵，羅連安特呢排連贏3場Fit到漏，不過佢哋陣中傷兵唔少，法足盃4強戰前再有球員打柴就濕滯，今場波預計唔會去得太盡，1.62倍細好路。

羅連安特下月9號會喺法足盃4強鬥伊維恩，教練基斯迪安哥古夫自爆近期已經減低操練量，擺到明吼住個法足盃。羅連安特隨時勒住踢，對家馬賽又連開6口細，橫睇掂睇都係敲細穩陣。

晏少少0:45開波場荷甲（六）60，主隊燕豪芬只係落後榜首嘅阿積士4分，要後上爭冠仲有機會，不過讓到「-2」又狠得滯，冷冷哋敲個4.3倍「讓和」啦！