小心熱門失靈

猪拉多纳

　　今日有兩場大賽上演，第七場為二級賽短途錦標，第八場為國際一級賽女皇盃。表面上，短途錦標那場比較單調，大摩出馬3匹、東鄭2駒，實情又未必！尤其現時已跑至接近五月，同場之中不少馬匹，體力已用得七七八八，另外，今日場地有變的話，有部分又唔知掂唔掂，所以，看似離不開那三兩匹熱門馬，賽果可能出人意表。

　　講到女皇盃，賽事形勢又係唔多單純，假如天雨影響到，可能半數以上應付唔到！賽果隨時係兩極化。就以3匹港隊希望「雄心威龍」、「加州萬里」和「事事為王」為例，唔係冇贏面，但又唔係條件出眾，馬王「雄心威龍」未跑過黏軟地，跑落得唔得，真係五十五十；「加州萬里」曾勝好黏地，但心律不正後復出，跑唔跑得番十足十，又係要估估吓；「事事為王」貴為打吡冠軍，2000米路程性能一流，外地曾贏爛地，其實有晒支持，唯一疑問係面對年長馬會唔會蝕底，平磅跑喎。Jack