勝哥兒開齋補數

猪拉多纳

呢輪除咗葉楚航旺氣迫人外，方嘉柏一樣殺得性起，早排連贏五日狂掃9W，直到啱啱禮拜三谷戰先至食白果。
       
柏寶贏勝哥兒極度興奮，揮鞭揚威。

不過，尋日小方繼續嚟料，喺第五場二班田草千八米靠柏寶騎嘅「勝哥兒」駁纜，依家以48W排第三位，仲有機會挑戰冠軍寶座。
       
勝哥兒馬主一家大細喜氣洋洋。
打吡塞車梗頸四

現年四歲嘅法國自購馬「勝哥兒」，馬主蕭劍平一心諗住買返嚟跑打吡，點知上鋪喺直路塞車跑第四，未竟全功，好彩今次終於補中開齋，就連蕭生都話總算有啲補償。至於方嘉柏就覺得呢隻馬狀態開始嚟緊，近兩場都有好走勢，今次贏馬佢自己都唔意外，日後應該仲有大把世界。