撐中岸水手掃雷出線

猪拉多纳

新科澳職總冠軍食住個勢

亞冠盃H組日職球隊柏雷素爾鐵定首名晉級，今輪遠征澳洲作客中岸水手屬例行公事，正好畀隊內副選球員落場寓賽於操，戰意麻麻。水手今場贏波即可取得出線席位，鬥志鮮明，莊家初盤壓低主勝賠率，主Ｗ趁熱食！

(now 671周二晚6時30分直播)

柏雷素爾季初專注應付亞冠盃，現時有十一分，已經完成任務。柏軍喺亞洲賽威水，於國內聯賽戰績就麻麻，上場剛以0比4大敗，射手工藤壯人批評後防唔掂，已經叫班隊友喺今場練好防守。由於今次遠征途程甚遠，為免舟車勞頓影響球員下輪聯賽表現，預期大軍會作出輪換，始終今戰勝負無關痛癢，畀班二線兵踢吓冇壞。中岸水手已奪今季澳職總冠軍，可以將注意力擺喺亞冠盃，佢哋目前領先第三位FC貴州兩分，但由於雙方對賽成績不分高下，今戰若和波都唔肯定可以出線，一定要贏波至穩陣，目標明確。大軍掌握自己命運，喺主場出擊必定毫無保留搏殺，佢哋正路頂盡讓柏雷素爾半球，今場莊家低開主勝至1.57倍，已經有晒啟示。
藍翼冇嘢爭益貴州

同組FC貴州主場對南韓大軍水原藍翼，貴州目標清晰，先要做好自己全取三分，望中岸水手失分先可晉級。

藍翼以往於亞冠盃演出唔曳，但今屆完全走晒樣，現時已經提早出局，今戰隨時揸流攤，可捧主勝！