FC北京征日箭意鮮明

猪拉多纳

亞冠盃G組最後一輪有場筍嘢，日職球隊廣島三箭晨早出局，上輪收起大批主力，今次主場對中超大軍FC北京勢將繼續hea踢，讓波靠唔住！北京再添一分即可晉級，佢哋打日本球隊鬥志特別好，受讓好着數，要「讓球客勝」！

(周二晚6時開賽)

廣島三箭上輪分組賽作客賓約哥無心戀戰，王牌前鋒佐藤壽人又冇隨隊，仲要派出九十後小將井波靖奈同野津田岳人等，擺明敷衍了事，呢支三箭二隊並非完全唔識踢，最終搶到一分，但若非賓約哥發揮欠佳，佢哋好難全身而退。三箭今場只為面子而戰，相信排陣同上次接近，爭勝心有限。

G組現時形勢，FC北京和波都可晉級，不過，中日關係向來緊張，北京球員話明唔會求一分就算，一定以贏波為目標，避免踢得保守輸埋。再者，亞冠盃強手林立，北京都唔想喺十六強提前遇到硬嘢，佢哋都要爭奪首名出線避開勁旅，希望走得更遠，今場除「讓球客勝」外，可博埋客Ｗ！
賓約哥防守勁吼細

同組南韓浦項制鐵主場對烏茲別克代表賓約哥，浦項贏波就可力壓賓約哥晉級，爭勝決心當然大啦，不過，賓約哥今屆分組賽五戰只失兩粒，絕對有本錢死守，預期今戰入波唔多，細盤博得過。