名駒徹底退熱抵博

猪拉多纳

　　今次賽事連場有惡馬飛，但這些所謂「惡馬」，穩健程度僅一般，甚至予人似是而非感覺。如頭場「桃花心」隔晚票數先聲奪人，但眾人根本不是捧馬，而是追捧蔡神仙；第九場「小母牛」患有喘鳴症，幾時爆煲無人知；尾場「風花雪月」升上二班初會強手，先前贏得從容，不代表今仗也能輕勝，又是可爭欠穩之輩。

　　賭博士經常指出，凡遇大樹遮蔭場合，正是扒冷最佳時機，特別是上述幾場賽事，熱門馬不見得可靠，反正都是博博，自然寧願改向冷門埋手，起碼博得有價值。第九場苗「名駒」今季十戰僅獲一亞，而且該役跑泥地，今仗埋門肯定火燒唔熱。不過總場次398所見，此駒跑田草1200米得第五，負於頭馬個半身位，走勢有板有眼，而該場三甲馬再出俱冇W有Q，奏捷的「威威具星」翌仗升上頂班也跑亞軍，可見「名駒」這個第五相當難得。近仗牠轉戰泥地退熱成功，小心今鋪現真身。

　　第十場「幸運雄威」早前跑頂班1400米曾殺入大冷Q腳，今仗角逐二班賽，對手實力差一截，賠率卻依舊和味，計落抵博到極！賭博士