國米傷兵成災嚇親里

猪拉多纳

意甲拿玻里主場對國際米蘭，計牌頭兩軍唔係差好遠，但目前形勢就強弱懸殊，國米傷兵成災，現時原有嘅11個正選球員有8個唔踢得，作客面對仍要力保次名嘅拿玻里凶多吉少，推介2.12倍拿玻里「讓球主勝」。

（周一凌晨2時45分開賽）
拿玻里搶分踢歐聯

拿玻里近況出色，近17場聯賽僅1敗，上仗作客三球淨勝佩斯卡拉，喺首席射手卡雲尼缺陣下，進攻組織依然踢得相當悅目，球隊目前排聯賽榜次席，雖然爭霸機會渺茫，不過仍需要搶分力保次席，確保取得直接參加下屆歐聯分組賽，雖然今仗有甘柏拿路因傷缺陣，但卡雲尼停賽期滿復出，戰鬥力更加強大，主場出擊更有信心。

國際米蘭排緊第七，雖然仲有機會踢下屆歐霸盃，不過目前無論狀態、士氣都處於低潮，計埋上仗作客輸畀護級分子巴勒莫，近七場輸咗五場，球隊致命傷係長期受嚴重傷兵問題困擾，依家連鐵人隊長辛尼迪都受重創隨時收山，其餘傷兵仲有中堅森美爾、馬迪亞斯施維斯達，二閘長友佑都，中場加根奴、穆汀加爾、祖爾奧比同史坦高域，前鋒卡斯辛奴、柏拉斯奧同埋迪亞高米列圖，真係水蛇春咁長。另外中場甘比亞素同古亞連亦有傷上陣成疑，大半隊傷兵令教練施特拉馬斯安尼焗住要喺二隊同青年軍抽調人手頂檔，咁惡劣嘅情況下又邊度係拿玻里手腳？
Ali 推介：

拿玻里讓球勝★★★★

烏甸尼斯勝★★★

AC米蘭大★★★
上一則 : 巴塞炒貝迪斯氹球迷
下一則 : 莫連奴幾威都要踎低