馬略卡護級惡到雲

猪拉多纳

西甲近期爆發假波疑雲，利雲特係主角之一，其實呢啲嘢有時真係好難講，佢哋季尾不愁降班，難免放鬆咗，表現走樣係意料之中，若非有真憑實據，唔應該妄下判斷。利雲特今輪作客馬略卡，主隊讓到半一，個盤硬淨非常似樣，捧上盤！

（now 632周日晚6時直播）

馬略卡不嬲係肥叔愛隊，最鍾意佢哋主場小島威力勁，而且本身冇乜名氣，成日都有筍盤，今季班波確係跌咗Watt，但去到季尾護級未絕望，肯定集中火力喺主場搏殺。利雲特踢緊風流波，撇開之前對拉科嗰場問題賽事，班波狀態確係有疑點。馬略卡呢場正路讓平半至半球，依家讓到半一絕不尋常，博上盤！
西維爾大盤酬「賓」

同日另一場西甲賽事西維爾主場對愛斯賓奴，兩支中游球隊冇乜好爭，但西維爾今季戰績麻麻，季尾主場出擊要打爭氣波向球迷交代。至於愛斯賓奴近排作客亦好惡，兩班波都有攻力，預期今戰入波多，大盤值得捧場。

（now 632周一凌晨1時直播）
肥叔心水

馬略卡上盤

利物浦大

奧格斯堡下盤

西維爾大

拿玻里上盤

貝迪斯下盤