伯頓做東再劏巴拉福特

猪拉多纳

英格蘭乙組（第四級聯賽）喺二線波嚟講都好受歡迎，唔少球迷都對即將上演嘅英乙升班附加賽準決賽次回合相當關注。其中一場由伯頓主場對巴拉福特，相信伯頓可繼首回合之後再下一城，殺入決賽，主W超過2倍好值博。

（周日晚7時開賽）

伯頓首回合作客以三比二擊巴拉福特，伯頓今次有埋主場之利，贏面極高。主隊要留意嘅球員係卡雲蘇拿，呢位伯頓球員喺首回合兩破巴拉福特大門，狀態弗到爆燈。基於呢位射手喺首回合踢到67分鐘就因傷退下火線，好多人擔心佢趕唔切喺次回合出場，但經過隊醫檢查後證實傷勢輕微，今場可如期上陣，球隊攻力得以維持。巴拉福特近三次作客伯頓只得一和兩負，論賽績就肯定輸蝕，難免畀人睇淡。
諾咸頓自殘 益咗車頓咸

車頓咸主場對諾咸頓，同樣睇好主W。兩隊實力極為接近，喺積分榜亦只不過兩分差距，故主場之利將成為勝負關鍵。留意到車頓咸近三次主場對諾咸頓取得兩勝一和不敗佳績，相信球隊會好好把握主場因素狂攻對手。尤其車頓咸首回合作客輸0比1落後在先，今場肯定會瘋狂搶攻。

另外，諾咸頓喺當地時間周四，突然宣布同三名球員解約，相信係同球隊銳意滅赤有關，有球員大戰當前慘食無情雞，難免會打擊士氣，爭勝機會必降低。

（周一凌晨1時45分開賽）