巴塞貝迪斯做大騷

猪拉多纳

歐聯出局 打好波氹Fans

今晚西甲巴塞隆拿會喺魯營主場迎戰貝迪斯。近3仗未嘗1勝嘅「地上最強」為挽回粉絲們嘅信心，除咗盛傳佢哋會加快步伐收購尼馬，今晚亦定必大打進攻足球取悅Fans，中位數就算調升至3.5球，入球大都係穩陣之選。

（now632台周一凌晨3:00直播）
加快腳步收購尼馬

上周再次慘敗於拜仁腳下，歐聯出局傷痛過後，立即傳出巴塞着手重組，多蒙特後衞曉姆斯、利物浦門將連拿都係佢哋嘅目標，有消息更指巴塞準備以4,750萬歐元（約4.8億港元）收購車仔中堅大衞雷斯，依家只係要等維蘭路華同意啫。

除此之外，巴塞仲有意提早羅致尼馬，由原定2014年推前到今個夏天，重新打造「地上最強」，但據講皇馬亦以1億歐元（約10億港元）天價攔途截劫呢位巴西天才。點樣都好，巴塞今晚返到聯賽，點都要發洩吓，就算美斯唔出場，陣中仲有恩尼斯達、沙維、法比加斯等高質球員，入球一定唔成問題，但域陀華迪斯因腳傷今場唔踢得，對住攻擊力唔錯嘅貝迪斯，好難保住清白之身！

貝迪斯近況唔算好，不過近4場入咗10球，前線孖寶佐治摩連拿同魯賓卡斯度係球隊入球泉源，今晚大有機會喺巴塞身上取得入球。況且，貝迪斯踢法進取，有前冇後，今晚作客魯營隨時豁出去，同巴塞合演入球騷。
張峰來料：巴塞隆拿（入球大）