錫耶納作客唔赦卡坦尼亞

猪拉多纳

今日足智彩開咗53場盤，唔算好多，但「四眼哥」反而睇到3場好路，睇吓啱唔啱大家心水。

第1場係意甲卡坦尼亞對錫耶納，主隊喺積分榜排第9，踏入4月份表現算係咁，連和3場後上場作客AC米蘭雖然輸波，但能夠同紅黑軍鬥攻輸2:4有晒交代，所以迎戰排名19，近兩場輸晒兼失咗5球嘅錫耶納，就畀全線歐莊睇好，大莊Ladbrokes同Paddy Power更將主W賠率下調到低過歐洲平均添！
吼埋科大 士砵亭「讓客」

之但係足智彩操盤手，今場似乎信對賽往績多個近績，睇好近4次喺意甲作客卡坦尼亞錄得1勝3和嘅錫耶納，將客W同個和波調低，認為佢哋有力成功搶到分，受讓嘅「讓球客勝」可以考慮捧場。

另外兩場都係葡超，足智彩操盤手高開主W嘅同時，又調低和波同客勝，完全同歐洲大莊「對着幹」，科大、士砵亭嘅「讓球客勝」都係「四眼哥」嘅心水。