寶寶飛龍加罩大勝 文家良開心

猪拉多纳

大賽日通常都係前列練馬師攞威嘅大日子，不過尋日只出三駒嘅文家良都唔輸蝕，第二場先為低分馬「開心凱旋」取得連捷，到第四場再以一面倒大熱「寶寶飛龍」成功起孖，獨贏只得1.9倍，更加成為佢季內最熱嘅頭馬。
       
寶寶飛龍收韁大勝而回。
講笑話驚加分多

不過熱食良哥一樣滿意，佢話呢匹質新馬之前三次上名都係生啲，於是潘頓就建議今鋪加眼罩上陣，雖然賽前吩咐騎者守好位，但「寶寶飛龍」速度實在銳利，而加罩後跑起上嚟貫注力零舍好，順利一放到底大勝三乘幾，良哥講笑話好驚加分多，不過到時潘頓可以騎番始終更重要，下次跑千二依然有權再捷。