佩斯卡拉散晒AC客其他

猪拉多纳

周中意甲快車賽期，周四凌晨打頭炮係佩斯卡拉主場對AC米蘭。經過上周聯賽之後佩斯卡拉已宣布護級失敗，球員已毫無鬥志可言，未來三場例行公事都會「派糖」。基於AC米蘭要爭來季歐聯資格，考慮到兩隊實力懸殊，兼且爭勝意欲走兩極端，故大膽推介波膽「客其他」。

（廣東體育周四凌晨零時直播）

AC米蘭數字上仍有機會追上第二位球隊拿玻里，又要頂住第四位費倫天拿，呢個爭取出線下屆歐聯比賽資格嘅上拉下推形勢，必令AC鬥志逼至巔峰。據《米蘭體育報》估計，AC教練阿里基會用三鋒陣式，除艾沙拉維及巴洛迪利之外，最前方仲會擺多個季尾大勇嘅柏仙尼，用意可謂相當明顯，今場就係要大勝。
今季遇強頻派糖

佩斯卡拉今季已曾多次大敗，去年十一月喺主場以一比六不敵祖雲達斯，去年十二月對拿玻里又輸一比五，今年一月對森多利亞吞六蛋，佢哋篤定降班後連鬥志都冇埋，再次以大比數落敗唔出奇。今場「客其他」有成8.5倍，咁好分頭，不妨捧場。