熱刺無退路齊心破城

猪拉多纳

作客讓半一 飛數見信心

今季英超錦標雖已名花有主，不過歐聯資格及降班席位爭持卻好激烈，有機會要鬥到最後一輪先知邊個係贏家。倫敦三雄為爭前四打甩髀，熱刺上周中於打吡戰未能擊敗車路士，餘下兩輪已無退路一定要搏，今晚作客鬥史篤城讓半一，上盤可以留意。

（有線300及200台周日晚8時30分直播）
史篤城近況佳冇飛撐

熱刺上場作客對車路士兩度落後最終和波，積分上雖然未能趕過對手及阿仙奴，不過其實佢哋演出唔算曳，該仗賽前有部分莊家將盤口由車路士讓半球調至讓平半，足證外界都唔敢過分睇小熱刺。史篤城早前一度捲入降班漩渦，但呢班波班底好，三扒兩撥已經上番中游位置。論近況史篤城近三場聯賽不敗，走勢拍得住對手，今次主場出擊竟然受讓半一咁多，莊家對客軍贏波似乎信心十足，信飛數捧上盤。

睇多兩場英超，富咸主場鬥利物浦，富咸已達四十分安全線，真正降班威脅不大，利物浦季尾又重現海鮮味，今場最好捧大盤。最後新特蘭主場鬥修咸頓，新特蘭自從迪肯尼奧接手後演出充滿激情，今場迎戰護級對手修咸頓，贏波上岸機會高，平手盤捧主隊啱數。