川迪受讓有芬執

猪拉多纳

主場謝幕冧粉絲

荷甲今晚煞科，九場比賽同時間開波，隨住阿積士上周擊敗威廉二世提前捧盃、華域克贏維迪斯成功上岸，令謝幕戰大部分比賽均為例行公事，預期大家冇心理包袱之下會踢得更開放，入波唔會少。直播賽事川迪主場鬥燕豪芬，燕豪芬三日前於荷蘭盃決賽飲恨屈居亞軍，如今歐聯外圍賽入場券已經十拿九穩，作客出擊恐會無心戀戰，川迪沉咗成季近期表現終於好番啲，主場受讓值博。

（now 639周日晚8時30分直播）
燕豪芬痛失荷蘭盃未回魂

燕豪芬目前領先第三位飛燕諾三分，得球失差領先三十七球，除非飛燕諾今周以匪夷所思嘅比數擊敗NAC（now 638周日晚8時30分直播），否則燕豪芬贏輸都已穩奪下屆歐聯外圍賽入場券。球隊上周五凌晨於荷蘭盃決賽1比2不敵阿爾克馬爾，大有可能成為「雙亞王」，球員自然滿不是味兒，今場未必有心機搏。

川迪雖然亦已穩奪歐霸盃附加賽參賽資格，但話晒有主場之利，為答謝球迷支持點都肉緊啲。川迪今季勝出率一般，但輸波次數卻為荷甲第二少，不敗率逾八成。自三月份經歷三連敗後已連續七場未輸過，表現硬淨受讓抵玩。

目前仲未落實係兩個歐霸盃附加賽資格，排第七嘅格羅寧根以三分領先第九位嘅海牙，只要多取一分便可達標，格軍今晚主場迎戰阿積士，阿積士上輪賽後已捧盃，今仗隨時派大量副選落場，讓波唔穩陣，信主隊戰意捧「讓球主勝」。

另外排第八嘅海倫芬作客對住要留力踢護級附加賽嘅洛達，贏波亦可穩奪歐霸盃資格，客Ｗ可取。