馬體會巴塞重磅大戰

猪拉多纳

今晚西甲爆發重量級大戰，榜首巴塞隆拿作客三哥馬德里體育會，贏波即封王。兩軍射手美斯同法卡奧逐漸回勇，其中美斯上仗後備入替差啲大演帽子戲法，鬥心依然，加上雙方近年碰頭經常出現大手交易，入球大有買趁早。

（now 632周一凌晨1時直播）
近14次交手全開大盤

首先要同大家講講一個驚人數據，若以中位數2.5球計，巴塞與馬體會近十四次正面交鋒，全數開入球大，不乏6比0、4比3、5比2等大手交易賽果，合共炮製65個士哥，當中有九仗淨係計巴塞自己一隊嘅入波都夠開大，認真犀利，證明雙方均好「大」喜「攻」，每次碰頭必定擦出火花。講完歷史後，睇番近況，巴塞嘅「美斯倚賴症」愈來愈嚴重，好彩「球王」已擺脫傷患逐漸上力，上仗對貝迪斯後備入替半粒鐘多啲便梅開二度，去到尾段仲唔收韁係咁狂爆對手，幾乎整多粒。至於馬體會雙箭頭法卡奧同迪亞高哥斯達近五仗轟七球，毫不示弱，難得今仗中位數冇調高，仍然係2.5球，看來兩軍會延續傳統玩「大」佢。