拜仁留力爭盃「遜」唔過

猪拉多纳

德甲冠軍大局已定，所以矚目程度稍為減弱，不過站喺買波嘅角度就仍然有唔少好路賽事，好似慕遜加柏主場迎戰拜仁慕尼黑，客隊依家冠軍又拎咗、派對又開埋，全隊全心全意放喺歐聯決賽上面，相反慕遜加柏主場謝幕當然唔想出醜，2.55倍「讓主」值得捧場。

（有線63周六晚9:30直播）
慕遜主場謝幕戰意盛

慕遜加柏目前排喺第8位，雖然話數字上仲有可能拎到來季歐洲賽資格，機會其實頗為渺茫，但至少都係一種爭勝動力吖！球會賽前宣布同中場新星靴爾文續約，對軍心有一定鼓舞作用，老將漢基上場取得近5個月嘅首個入球，不過球會就已經表明唔同佢續約，意味今仗係佢代表慕遜加柏最後一戰，梗係要做齣好戲博轉會啦！

拜仁今季贏到開巷，但上個禮拜連冠軍派對都開埋，相信班球員已完完全全放低德甲，着眼於嚟緊嘅歐聯同德國盃決賽，試問依家受傷搞到缺席嚟緊嘅大戰點算？拜仁今場仲有拿菲爾停賽，雖然佢唔喺度對隊波冇乜影響，但戰意始終係一大疑問，阿占寧願博受讓嘅慕遜加柏。
頂占筍盤：慕遜加柏（讓球主勝）