基達菲Hea踢益晒華倫

猪拉多纳

英超特別多攔路虎，一早上咗岸嘅史雲斯，上周中就送咗韋根一程，相反西甲球隊一旦失去目標，普遍會係咁送分，近期例子首推位列中游嘅基達菲，今晚佢哋喺主場迎戰要搶分爭第4嘅華倫西亞，當然捧1.68倍客W。

（now632台周日凌晨0:00直播）

華倫西亞早前於關鍵戰不敵皇家蘇斯達後，仲以為無緣再爭前4，誰不知皇蘇近期連番失分，令華倫重燃爭取來屆歐聯入場券希望，事實上佢哋近期火力相當之強，近5戰夾埋共入18球，要搶呢寶貴3分到手應該唔難。
格蘭納達同奧沙鬥踢悶波

另一場西甲直播由CF格蘭納達主場迎戰奧沙辛拿，呢場護級波估計會係悶戰一場，畢竟格蘭納達近12場聯賽僅得1場入多過1粒，奧沙辛拿就仲衰，近6戰有4場交白卷，冇理由唔捧1.57倍入球細。

（now632台周日凌晨2:00直播）

講埋聽日早場西甲，利雲特自從搶夠分護級之後，近期已經是是旦旦，近5場聯賽只係取得1勝4負，縱使近14次主場僅1敗都信唔過，捧對家華歷簡奴。