里爾搶玩歐聯搏甩「彼」

猪拉多纳

仲有兩輪先玩完嘅法甲，上周出咗冠軍後，焦點落晒喺季軍爭奪戰身上，排第3嗰隊波可以出戰來屆歐聯搵大錢，梗係會搏老命啦！當中（六）30里昂作客第5位嘅尼斯，力奇就認為里昂隨時甩拖，反而（六）28場里爾造訪蒙彼利埃，1.9倍客W睇落幾穩陣。
博里昂尼斯和波

里爾目前排第4落後里昂3分，如果想進軍下屆歐聯，根本再冇失分空間。冇錯，佢哋狀態唔算特別出色，近4戰只得2勝1和1負，不過主隊蒙彼利埃近5戰輸4場都算衰到貼地，已經肯定同歐洲賽絕緣，球員鬥志有限，就算主場出擊，相信蒙彼利埃都應該唔會阻里爾發達。

至於里昂作客尼斯之戰，主隊尼斯係就係仲有機會爭歐聯入場券，但上輪佢哋輸波兼有中場伊沙域停賽，陣容不整，想贏波有難度。里昂近8次客戰亦只得3勝，兩軍半斤八両 ，不如冷敲3.1倍和波，或者會有驚喜。