禾寧丹爭升班大報復

猪拉多纳

今晚荷蘭聯賽附加賽上演兩場決賽首回合，阿King對伊高斯主場迎戰禾寧丹特別有心水，伊高斯四場附加賽不敗，愈戰愈勇，不過禾寧丹矢志升班唔會手軟，面對「仇人」伊高斯必定落多兩錢肉緊，加上箭頭米高基拉馬腳風勁順，兩雄相遇勝負難料，但預計會合演入球騷，大盤好路。

（周五凌晨零時45分開賽）

伊高斯已經踢咗四場附加賽，唔單止未輸過，近三場仲贏晒兼怒轟七粒，氣勢如虹。但禾寧丹亦非善類，如果大家有留意荷乙嘅話，禾軍可謂下半季最弗球隊，若非尾輪作客不敵今仗對手伊高斯，該隊已經奪得冠軍嘅直接升班資格，何須踢附加賽呢？今仗仇人見面分外眼紅，禾寧丹眾將勢必抱住雪恥之心，戰意必堅，況且前鋒殺手米高基拉馬一路keep住唔錯嘅入球率，配合羅拔穆倫及班特利古華斯從支援，火力唔係人咁品，伊高斯亦唔會坐以待斃，入球大乃不二之選。
米贊比作客照捧

瑞典超方面，阿維達貝治攻力疲弱，除了5比1大勝佐加頓斯一仗外，近來賽事僅入一球或交白卷，面對近四仗攻入十一球嘅米贊比，有主場之利都信唔過，捧客W。最後艾夫斯堡雖剛在前列大戰不敵希爾星堡，四連勝斷纜，但布洛馬波卡納今季作客曳到爆，捧「讓球主勝」。