吳馬落班實砌

猪拉多纳

　　以前讀書時，寫過一個劇，當中有句獨白是這樣的：「老實彼得好細個就知道，緣份呢樣，如果你唔捉住佢，好快就會走去。」人生中，不論友情、事業、愛情等，其實都講時間性，就像一部列車經過眼前，你唔上車，或者趕不及上車，待它走了，你後悔至跪地喊苦喊忽，都不會再有結果。

　　馬場也是如此，馬匹狀態好，形勢佳，又或者遇對手弱的場合，能否搏到獎金，正是分練馬師功力高低之處。吳定強馬房倉口雖然唔大，超班馬亦唔係多，但練者卻是個懂得把握機會的人。如果你有留意，不難發現吳馬近期落班首仗，通常都有表現。早前五月一日，「彩利」落五班，即刻在泥地1650米郁手，雖然最後輸半個馬位獲亞，但這是失運所致。剛周三，吳主又安排另一匹馬落班搏殺，正是頭場「海之濤」，結果此駒就在賴維銘胯下一放到底輕勝。既然吳定強常在馬匹落班首仗郁手，下次見到同類分子，我們亦要把握機會了。洋超