奧斯納貝克特雷斯登玩細

猪拉多纳

低班對保守穩字訣

德乙護級附加賽由丙組奧斯納貝克主場對乙組特雷斯登，屬於兩支唔同級別球隊嘅比賽，純計質素特雷斯登應該高少少。但考慮到比賽採用兩回合制，特雷斯登於首回合作客冇需要急於進攻求勝，減少失球風險或成今場主要任務。預期客隊會踢得保守，細盤開出機會就比較高。

（周六凌晨2時30分開賽）
特雷斯登以守為攻

特雷斯登今季絕大部分勝仗都來自主場，對上一次喺作客環境下取勝已經係去年八月。既然特雷斯登作客唔掂，今場都無謂冒險向奧斯納貝克施壓。預料特雷斯登會以穩守為先，留待次回合返主場先至發力。奧斯納貝克季尾走勢的確唔差，但所擊敗嘅對手實力唔強，今次遇到級數較高嘅特雷斯登未必有運行。更何況特雷斯登有可能縮後打守勢波，奧斯納貝克唔容易攞到入球。今場入球應該唔會多，細盤捧得過。