FC達拉斯借地震反彈

猪拉多纳

周日早上有多場美職賽事舉行，包括FC達拉斯主場對聖荷西地震。上輪聯賽FC達拉斯以2比4不敵西雅圖海灣者，要留意當時FC達拉斯要作客比賽，加上賽事期間有球員領紅牌離場，FC達拉斯戰鬥力大減之下當然輸波。今次重返主場，加上對手聖荷西地震狀態低迷，FC達拉斯好有機會取勝，主W值得捧場。

（周日早上8時30分開賽）

FC達拉斯今季可以喺西岸排行高位，全靠主場賽事拉高積分。FC達拉斯係其中一支聯賽主場不敗球隊，聯賽主勝率更超過八成。憑着良好靚績支持，FC達拉斯有望再下一城。
聖荷西地震作客未贏過

聖荷西地震為上季美職常規賽最高積分球隊，但今季表現大不如前，踢過十幾場聯賽只取3W。最慘係聯賽作客未勝，今場難令FC達拉斯失分，主W開出機高。較後時間舉行仲有科羅拉多急流主場對美國芝華士，同樣睇好主W。後者近期作客突然「發軟蹄」，連續三場作客全敗兼冇入球。科羅拉多急流只要有正常發揮，三分應可順利落袋。