威利旺旺增程票勁

猪拉多纳

　　今晚跑馬地八場賽事，可能係因為頭幾位練馬師爭持激烈嘅關係，佢哋都擺晒啲惡馬出嚟，究竟邊個贏得多？好難講，但睇飛數，最勁嘅當然係第七場蔡廐「泰山」，隔晚得1.7倍W，要信。

　　怪飛馬揀咗第六場「威利旺旺」，呢匹馬今季跑咗七場，賠率徘徊喺34至99倍之間，無論上場輸近輸遠，入唔入前四名，下一場都係冇飛。但係今次明顯唔同，隔晚獨贏得5.5倍W，位置更長時間賣至一戙。究竟咩葫蘆賣咩藥？睇嚟都應該係大幅增程至1800米嘅緣故，既然支持者大大力撐，點都要信一次。騎師王方面，韋達有超級馬「泰山」騎，得1.85倍正常，捧佢。周仲