國體會主場惡霸打爆基

猪拉多纳

周四巴甲獨腳戲，由老牌球會國際體育會主場對基斯奧馬。國體會本身屬巴甲強隊，近期主場更加「着晒火」，面對新升班嘅基斯奧馬應可輕鬆取得今季首場勝仗，「讓球主勝」有分頭值博。
基斯奧馬新升班未企穩

國體會近年表現不俗，喺聯賽多數處於中上游位置，雖然去季只能以第10名衝線，未能再次挑戰洲際賽事，不過咁樣反而有利佢哋喺巴甲爭雄。至於陣容方面，今季佢哋變化不大，前線仍有烏拉圭名將科蘭在陣，火力有保證，加上國體會喺開鑼戰作客失分，但本身佢哋一向靠主場搵食，今季於州聯賽及巴西盃喺自己地頭，錄得九勝一和佳績，惡到不得了。

反觀對手基斯奧馬係新升班球隊，雖首輪主場3比1擊敗巴希亞，但今次作客隨時現形，故國體會主勝1.42倍熱透啱食，而「讓球主勝」有2.25倍亦值得一試。

（周五早上6時30分開賽）