日本搶W幫沙哲朗尼補鑊

猪拉多纳

日本今晚喺熱身賽主場對保加利亞，始終係1.43倍主W抵捧。最近日本足總搞咗個J-League創辦20周年派對，身為國家隊教頭嘅沙哲朗尼竟然唔出現，理由係備戰工作太忙喎，據講佢已經辣慶日本足總高層，咁搞法當然要落柯打贏波補鑊啦！

（有線61及201周四晚6:20直播）
缺席畀面派對辣慶高層

報道話，J-League周年派對好少請唔到國家隊教頭出席，今次沙哲朗尼話要備戰世盃外圍賽同洲際國家盃玩失蹤，即刻被日本傳媒炒大件事。

雖然沙哲朗尼今次缺席未必係專登玩嘢，但為咗證明佢寸得起，今場絕對有需要做番台好戲，即使王牌前鋒本田圭佑未好番晒，多數休息都要諗辦法贏波。
保加利亞首席門將打柴

聽講沙哲朗尼已經有打算，決定暫時放棄4-5-1陣式，改用3-4-3減低本田圭佑缺陣嘅影響。更何況，呢場波係日本備戰世盃外對澳洲嘅重要熱身賽，唔似會Hea踢。

當然，保加利亞喺世界盃外圍賽都有得爭出線，但佢哋有首席門將米凱洛夫養傷，就算有老將射手保積洛夫孭飛都靠唔住。